योगेन्द्र योगी
बिराटनगर,
संखुवासभामा बालिकाहरुलाई जबरजस्ती करणी गरेको आरोपमा दुई जनालाई प्रहरीले पक्राउ गरेको छ।
१६ र १७ बर्षियाा बालिकालाई होटलमा लगेर करणी गर्ने पक्राउ पर्नेमा चिचिला गाउँपालिका– २ का ३५ वर्षीय तुफान राई र चिचिला गाउँपालिका– ३ का २८ वर्षीय प्रकाश राई रहेको जिल्ला प्रहरी कार्यालय संखुवासभाका सूचना अधिकारी अभिषेक कुमार श्रेष्ठले जानकारी दिए ।
सूचना अधिकारी श्रेष्ठका अनुसार जेष्ठ ७ गते खाँदबारी बजार आएका परिवर्तित जिल्ला ०५, (खा ७) बस्ने बर्ष १७ की नाबालिका “परिवर्तित नाम संखुवासभा (य)” र बर्ष १६ कि “परिवर्तित नाम संखुवासभा (र)” लाई जबरजस्ती करणी गरेको उजुरी परेपछि पक्रउ गरिएको बताए।
उनीहरुले बालिकाहरुलाई खाँदबारी बजारमा भेटी ललाई फकाई गरी खाजा खाने र घुम्न जाने भनि प्रलोभन देखाएर मोटरसाईकलमा बस्न लगाई खाँदबारी नगरपालिका १ को एक होटलमा लगेर करणी गरेको आरोपमा पक्राउ गरिएको संखुवासभाका डीएसपी दक्ष कुमार बस्नेतले बताए।
आरोपित दुवै जनालाई आइतबार संखुवासभा जिल्ला अदालत चैनपुरबाट म्याद थप गरी अनुसन्धान कार्य भईरहेको डीएसपी बस्नेतले बताए।
