झापा, माघ २६ । पूर्वमा भएका छुट्टाछुट्टै सवारी दुर्घटनामा परी पाँच जना घाइते भएका छन् ।
पूर्व क्षेत्रीय प्रहरी कार्यालय बिराटनगरले दिएको जानकारी अनुसार झापा कुमरखोद– २ मा मे १ त ७०६ नं. को ट्याक्टर दुर्घटना हुँदा ट्याक्टरका सहचालक कुमरखोद–२ बस्ने २२ वर्षीय मनोज कोच घाइते भएका छन् ।
बिहान करिब १० बजे कुमरखोद–२ बेलौतीबारीमा खेतमा माटो मिलाउनेक्रममा उक्त ट्याक्टर खाल्डोमा परी पल्टिएको थियो । घाइते सह–चालकको बिर्तासिटी हस्पिटलमा उपचार भइरहेको छ । ट्याक्टरका चालक प्रहरीको नियन्त्रणमा छन् ।
त्यस्तै पूर्वपश्चिम राजमार्ग अन्तरगत मोरङको उर्लाबारी–१ किसानचोकमा बा ६०प ९४७८ र को७प ४१७७ नम्बरको मोटरसाइकल एक आपसमा ठोक्किंदा तीन जना सामान्य घाइते भएका छन् । घाइतेहरुमा बा६०प ९४७८ का चालक सुनसरी धरान–११ बस्ने वर्ष २४ का बिष्णु लिम्बू, पछाडि सवार धरान–१४ का वर्ष २७ की मनिसा तामाङ र अर्का मोटरसाइकलका चालक मोरङ उर्लाबारी–६ बस्ने वर्ष ४५का गोबिन्द विश्वकर्मा रहेका छन् । घाइतेको वीपी कोइराला स्वास्थ्य बिज्ञान प्रतिष्ठान धरानमा उपचार भइरहेको छ ।
