जितेन्द्र भण्डारी
पाँचथर माघ २१ । सशस्त्र प्रहरी वल एपीएफ दमकले पाँचथरको फिदिममा सम्पन्न ५ औ फाल्गुनन्द गोल्डकप फुटबल प्रतियोगीताको उपाधी हत्याएको छ ।
गत वर्षको समेत विजेता रहेको एपीएफले यस वर्ष पनि उपाधि आफनो पोल्टामा पार्न सफल भएको हो ।
आज भएको फाइनल खेलमा अनारमनी फुटवल क्लव झापालाई ४–० गोलको फराकिलो अन्तरले पराजित गर्दे उपाधि चुमेको हो ।
एपीएफको जितका लागि हरी कार्की एक्लैले ह्याट्रिक गरेका थिए भने खेलको अन्तिम समयमा सुमित आलेमगरले समेत १ गोल थपेका थिए ।
प्रतिस्पर्धात्मक खेल भएपनि एएफसीको कमजोर डिफेन्स र किपरका फाइदा उठाउँदै एपीएफले जित आफनो पक्षमा पारेको हो ।
प्रतियोगिता अवधिभरको सर्वाधिक गोलकर्ता एफीएफका हरी कार्की भएका छन् ।
प्रतियोगिताको विजेताले १ लाख तथा उपविजेताले ५० हजार नगद,मेडल,प्रमाणपत्र हात पारेका छन् ।
विज्ञापन
