झापा, बिर्तामोड उद्योग वाणिज्य संघले स्थापना गरेको ‘व्यवसायी सदस्य राहत कोष’मा रकम जुट्ने क्रम जारी छ ।
बिर्तामोड उद्योग वाणिज्य संघले एक करोड रुपैयाँको अक्षयकोष स्थापना गर्र्दै त्यसको व्याजबाट आपत विपतमा परेका व्यवसायीलाई राहत रकम उपलब्ध गराउने गरी कार्यविधि तयार गर्दै कोष वृद्धिका लागि सहयोगको आवहान गरेको थियो ।
योसंगै अहिले बिर्तामोडका व्यवसायी सहितका व्यक्तिले आफ्नो जन्म दिनको अवसर पारेर कोषमा सहयोग रकम प्रदान गर्दै आएका छन् । शनिवार बिर्तामोड उद्योग वाणिज्य संघका विशिष्ठ सदस्य निर्मल भट्टराईले ५१ हजार रुपैयाँ प्रदान गरेका थिए ।
आइतवार युवा व्यवसायी न्यू कुहिनोर ढुवानीका संचालक हिमेश अधिकारीले २१ हजार १ सय ११ रुपैयाँ र पाथीभरा इम्पलेक्सका सञ्चालक प्रकाश सुवेदीले २१ हजार रुपैयाँ संघका अध्यक्ष राजु न्यौपानेलाई हस्तान्तरण गरे ।
बिर्तामोड उद्योग वाणिज्य संघको सभाहलमा आयोजित छुट्टा छुट्टै दुई वटा कार्यक्रमको आयोजना गर्दै उनीहरुलाई कदरपत्रद्वारा सम्मान समेत गरिएको थियो । संघका अध्यक्ष राजु न्यौपाने सहित उपाध्यक्षद्वय विशाल थापा, जीवन खड्का लगायतले कोष वृद्धिमा सहयोग पु¥याउने दुई व्यवसायीलाई जन्म दिनको अवसरमा सु स्वास्थ्य र दीर्घयूको कामना गरेका थिए ।कार्यक्रमको सञ्चालन बिर्तामोड उद्योग वाणिज्य संघका महासचिव कुशल खतिवडाले गरेका थिए ।
