अर्जुनधारा।
नेपाल आदिवासी जनजाति पत्रकार महासंघ(फोनिज) झापा शाखाका पूर्व अध्यक्ष एवम् न्यूज सञ्जाल डटकमका सम्पादक रमेश समदर्शी सम्मानित भएका छन् ।
जातिय पहिचान र संविधान कार्यान्वयनको लागि पूर्ण समावेशी सञ्चार भन्ने मुख्य नारासहित उदयपुरको त्रियुगामा विहिबार आयोजित फोनिज प्रदेश नम्बर १को प्रथम महाधिवेशनमा नगद पुरस्कार पाँच हजार र सम्मान पत्रबाट उनी सम्मानित भएका हुन् ।
२०५२ सालमा बिर्तामोडबाट प्रकाशित हुने जनचाहना साप्ताहिक र धरानबाट प्रकाशित हुने विजयपुर साप्ताहिकको झापा संवाददाताकोरुपमा अध्यक्ष समदर्शीले पत्रकारिता शुरु गरेका थिए । उनकै कार्यकालमा स्थापना भएको डिकमान सुनुवार विरही स्मृती वर्ष उत्कृष्ट पत्रकारिता पुरस्कार पहिलो पटक अग्रज पत्रकार अमृतलाल श्रेष्ठलाई वितरण गरिएको थियो ।
पत्रकारिताको माध्यमबाट आदिवासी जनजाति समुदायको हक अधिकार स्थापित गर्न पु¥याएको योगदानको मूल्याङकन गर्दै कार्यक्रममा पूर्व अध्यक्ष समदर्शीसहित १० जना अग्रज पत्रकारलाई सम्मानित गरिएको हो ।
यसरी सम्मानित हुनेहरुमा इलामका सटेन्द्र जवेगू, उदयपुरका कौशल चेम्जोङ र महेश्वर राई, धनकुटाका सञ्जय सन्तोषी राई, विजय सन्तोषी राई र हिमा चेम्जोङ, सुनसरीका हर्ष सुब्बा, गोपाल देवान र याम प्रधान रहेका छन् ।
सम्मानित अग्रज पत्रकारहरुलाई महाधिवेशनका प्रमुख अतिथि प्रदेश नम्बर १का मुख्यमन्त्री शेरधन राई, फोनिजका केन्द्रीय अध्यक्ष डण्ड गुरुङ र कार्यक्रममा अध्यक्ष दिपीन राईले सम्मानित गरेका थिए ।