नेपाल पत्रकार महासङ्घद्वारा दीक्षितको निधनप्रति दुःख व्यक्त

३० श्रावण २०७६, बिहीबार मा प्रकाशित

काठमाडौँ,

नेपाल पत्रकार महासङ्घले वरिष्ठ पत्रकार एवं साहित्यकार मदनमणि दीक्षितको निधनको खबरले स्तब्ध भएको उल्लेख गर्दै दुःख व्यक्त गरेको छ । महासङ्घले आज एक शोक विज्ञप्तिमार्फत वरिष्ठ पत्रकार दीक्षितको योगदानप्रति उच्च कदर र सम्मान प्रकट गर्दै उहाँको दुःखद निधनप्रति श्रद्धाञ्जलि व्यक्त गरेको हो ।

महासचिव रमेश विष्टद्वारा जारी विज्ञप्तिमा उहाँको निधनबाट शोक सन्तप्त परिवारजन र शुभेच्छुकहरुमा हार्दिक समवेदना व्यक्त गरिएको छ । दीक्षितको ९७ वर्षको उमेरमा आज निधन भएको हो ।

विसं १९७९ फागुन ६ गते काठमाडौँको गैरीधारामा जन्मनुभएका दीक्षितले नेपाली पत्रकारिता र साहित्यको क्षेत्रमा विशिष्ट योगदान पु¥याउनु भएको महासङ्घले जनाएको छ । उहाँले लामो समय समीक्षा साप्ताहिक लगायतका पत्रिका सम्पादन गर्नुभएको थियो ।विभिन्न पत्रपत्रिकामा स्तम्भ लेखनमा समेत सक्रिय दीक्षितका ४६ वटा पुस्तक प्रकाशित छन् ।

उहाँले मदन पुरस्कार, साझा पुरस्कारलगायत दर्जनौँ पुरस्कार र सम्मान प्राप्त गर्नुभएको थियो । उहाँको निधनले नेपाली सञ्चार क्षेत्रले एक अनुभवी र अग्रज पत्रकार गुमाएको र नेपाली साहित्य क्षेत्रले एउटा मूर्धन्य साहित्य सेवी गुमाएको विज्ञप्तिमा उल्लेख छ ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here