झापा, नेपालमा आइतबार एकैदिन ८ हजार ८ सय ५० जना कोरोना भाइरसका संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १८ हजार ७ सय ८७ पीसीआर परीक्षणबाट ८ हजार ७ सय ७७ तथा ५ सय ६ एन्टिजेन परीक्षणबाट ७३ जना गरी परीक्षणको ४६ प्रतिशतमा संक्रमण भएको हो ।
थपिएकामा काठमााडौं उपत्यकाका मात्र ४ हजार १ सय ९८ जना हुन् ।
जसमा काठमाडौंका ३ हजार १ सय ६१, ललितपुरका ५ सय ३३ तथा भक्तपुरका ५ सय ४ जना हुन् ।
आइतबार ४ हजार २२ जना संक्रमणमुक्त भएका छन् । संक्रमणमुक्त हुने दर घटेर ७६ दशमलव ७ प्रतिशतमा झरेको छ ।
आइतबार ५२ जनाको मृत्यु भएको छ । मन्त्रालयले विभिन्न समयमा थप २६ जनाको पनि मृत्यु भएको भनी कुल मृतकमा थपेको छ ।
अहिलेसम्म कोरोनाबाट नेपालमा ३ हजार ७ सय १० जनाको मृत्यु भएको छ । ८ सय ३२ जना आइसीयूमा रहेकामध्ये २६७ भेन्टिलेटरमा छन् । हाल ८८ हजार १ सय ६० जना सक्रिय संक्रमित रहेका छन् ।
विज्ञापन
