शिवगञ्जमा जिल्ला स्तरीय फुटवल प्रतियोगिता शुरु

[विनोद सापकोटा ]
दुधे,असोज २२ । झापाको शिवगञ्जमा जिल्ला स्तरीय फुटवल प्रतियोगिता शुरु भएको छ ।
शिवगञ्ज ९ को भगवती उमाविको खेल मैदानमा हुदै गरेको सो प्रतियोगितामा जिल्लाका १२ बटा टिमले सहभागिता जनाउदै छन् । हिजो भएको खेलमा शैनिक युथ क्लव विजयी हुदै अघिल्लो चरणमा प्रवेस गरेको छ ।
स्थानीय तङ्गवा ११ लाई २ का बिरुद्ध ६ गोलको भारी अन्तरले हराउदै शैनिक युथ क्लव अघिल्लो चरणमा पुगेको हो । जितका लागि खेलको पहिलो हाफमा बिकेस लिम्बुले १२ र २८ मिनेटमा एक एक गोल गरे भने सोही हाफको १६ औ मिनेटमा अमीर लोक्तामले १ गोल गरेर खेललाई तीन सुन्यको अन्तरमा पुर्याएका थिए ।
यस्तै दोश्रो हाफमा पनि पुन अमीर लोक्तामले १ गोल थपेका थिए भने हंसु लिङ्गदेन र शेरबाहादुर लिम्बुले पनि एक एक गोल गर्दे टिमलाई ६ गोलको अग्रता दिलाएका थिए । उता तुङ्गवा ११ का तर्फबाट शुरेस सिगुले दोश्रो हाफको २६ औ र २९ औ मिनेटमा एक एक गोल गरेका थिए उनी खेलको म्यान अफदि म्याच समेत घोषीत भए । भोली को खेल सतासीधामको दुधे फुटवल क्लव र आयोजक शिवगञ्जको व्याङ्गडाडा साईको साईवर नेटिक स्पोटीङ्ग क्लवबीच हुने खेल सम्योजक सुमन लिङ्गदेनले जानकारी दिएका छन ।