झापा, कात्तिक ४ । धारिलो हतियार प्रहारबाट झापामा एक वृद्धा सहित दुईजना गम्भीर घाइते भएका छन् ।
घाइते हुनेमा मेचीनगर नगरपालिका – ३ निवासी ६० वर्षीय कुदन्ती दनुवार र ३५ वर्षीय राजु दनुवार रहेको जिल्ला प्रहरी कार्यालय झापाले जनाएको छ ।
गएराति उनीहरुलाई सोही ठाउँ निवासी शम्भु दनुवारले धारीलो हतियार प्रहार गरी गम्भीर घाइते बनाएको जिल्ला प्रहरी कार्यालय झापाका प्रहरी प्रवत्ता विश्वमणि पोखरेलले जानकारी दिनुभयो । घाइत दुवैको स्थानीय अस्पतालमा उपचारमा सम्भव नभएपछि थप उपचारका लागि भारतको सिलगढी लगिएको बताइएको छ ।
विज्ञापन
