बिर्तामोड, कात्तिक ३० । नेपाल बैंक लिमिटेडले बैंक बिर्तामोड शाखाले स्थापनाको ७८ औं वर्ष प्रवेशको अवसर पारेर १० कर्मचारीलाई दीर्घ सेवा पदकबाट विभूषित गरेको छ ।
यसरी विभूषित हुनेहरुमा बैंकका सहयाक प्रबन्धक सुरेशकुमार पोखरेल, वरिष्ठ सहायक विध्यानन्द चौधरी, दीपककुमार पौडेल,दिवाकर रेग्मी,तारादेवी शुब्बा, सुरक्षक पदमवहादुर मगर,शोमराज पौडेललाई बिर्तामोड शाखामा आयोजित कार्यक्रमकाबीच उक्त पदकबाट विभूषित गरिएको थियो ।
उता दमक शाखामा आयोजित कार्यक्रमकाबीच बैंकका सह प्रवन्धक वालीराम चौधरी,मेसिन्जर वेदप्रसाद काफ्ले र वरिष्ठ सहायक श्रीप्रसाद श्रेष्ठलाई समेत उक्त पदकबाट विभूषित गरिएको बिर्तामोड शाखाका उपप्रवन्धक श्रीप्रसाद शिवाकोटीले जानकारी दिए । २५ वर्षसम्म बैंकमा कार्यरत कर्मचारीलाई दीर्घ सेवा पदकबाट बैंकका बिर्तामोड शाखा प्रवन्धक उमेशचन्द्र घिमिरेले पदक पहि¥याउदै सम्मान पत्र प्रदान गर्नुभएको थियो ।
बैंककी सहायक प्रवन्धक मञ्जु आचार्य पौडेलले स्वागत गरेको कार्यक्रममा नेपाली कांग्रेसका महासमिति सदस्य गोपालकुमार वस्नेत ,नेपाली कांग्रेसका युवा नेता विश्वप्रकाश शर्मा, नेकपा एमालेका कुन्दन भट्टराई , एकीकृत नेकपा माओवादीका भूपाल सापकोटा,बिर्तामोड नगरपालिकाका कार्यकारी अधिकृत रविन्द्रकुमार वस्ती,बंैकका धुलावारी प्रवन्धक खेम लामिछाने लगायतले बोलेका थिए ।
