महानन्द शिक्षा सदनको रजत महोत्सव

झापा, माघ २५ । महानन्द शिक्षा सदन बुधबारेको रजत वार्षिकोत्सवमा अवसरमा स्मारिका लोकार्पण गरिएको छ ।
विद्यालयका प्रबन्ध निर्देशक तथा सञ्चालक महेन्द्र संग्रौलाको अध्यक्षता तथा जिल्ला शिक्षा अधिकारी योगेन्द्र बरालको प्रमुख आतिथ्यमा सम्पन्न कार्यक्रममा प्रदेश नं १ प्याब्सन अध्यक्ष नारायण घिमिरे, प्याब्सन झापा अध्यक्ष कोषराज प्याकुरेल, निजी विद्यालय शिक्षक संगठन झापा अध्यक्ष होमराज खतिवडाले शुभकामना मन्तव्य राखेका थिए । विद्यालय निरीक्षक जानुका गुरागाईं, व्यवस्थापन समितिका पूर्व अध्यक्ष बेनुप्रसाद पनेरू लगायतले समेत मन्तव्य राखेका थिए ।
सोही कार्यक्रमकाबीच विद्यालयको रजत वर्षमा प्रकाशित महानन्द शिक्षा सदन दर्पण २०७३ को लोकार्पण गरएको थियो । सो दर्पणको समीक्षा सीतारमेश बहुमुखी क्याम्पस प्रमुख गणेश निरौलले गरेका थिए ।
रजत महोत्सवमा पहिलो दिन अन्तर सदन खेलकुद र तेस्रो दिन सांस्कृतिक कार्यक्रम आयोजना गरिएको थियो । कार्यक्रमको सञ्चालन विद्यालयका प्राचार्य बालकृष्ण दाहाल र सहप्राचार्य दुर्योधन सिंहले गरेका थिए ।