उदयपुर ।
उदयपुरको कटारी नगरपालिका ११ मा आइतबार टिपर दुर्घटनामा परी चालकको मृत्यु भएको छ ।
सिद्धिचरण राजमार्ग अन्तर्गत घुर्मीबाट कटारीतर्फ आउँदै गरेको बा ३ ख ४१३० नम्बरको टिपर राती साढे ९ बजे अनियन्त्रित भई सडकबाट सय मिटर तल खसेर दुर्घटना भएको थियो ।
दुर्घटनामा परी टिपरका चालक सोलुखुम्बु साबिक नेचा ३ बस्ने २१ वर्षीय सुजन भण्डारीको घटनास्थलमा नै मृत्यु भएको जिल्ला प्रहरी कार्यालय उदयपुरले जनाएको छ ।
