झापा ।
सुनसरीको कोसी गाउँपालिका ८ भाण्टावारीमा जङ्गली हात्तीको आक्रमणबाट एक जनाको मृत्यु भएको छ, भने एक जना घाइते भएका छन् ।
आइतबार राती साढे १० बजेको समय सोही स्थान बस्ने ६० वर्षीय मोहमद सद्रुल मियाँ र निजकै छोरी ३८ वर्षीया नेहरुले खातुन घर नजिकै रहेको केराबारीको हेरचाह गर्न जाने क्रममा कोशीटप्पु वन्यजन्तु आरक्षणबाट आएको ४ देखि ५ वटाको जङ्गली हात्तीको समूहमा निस्किएर उनीहरूमाथि आक्रमण गरेको थियो ।
हात्तीको आक्रमणबाट घाइते भएका बुबा-छोरीलाई सीमा प्रहरी चौकी भाण्टावारीबाट प्रहरी टोलीले उद्धार गरी उपचारको लागि जिल्ला अस्पताल इनरुवा पठाइएकोमा उपचारको क्रममा बाबु सद्रुल मियाँको मृत्यु भएको प्रहरीले जनाएको छ ।
घाइते छोरी खातुनको सोही अस्पतालमा उपचार भइरहेको छ । उक्त जङ्गली हात्तीलाई प्रहरी र स्थानीयको सहयोगमा वन्यजन्तु आरक्षण केन्द्र तर्फ लखेटिएको जिल्ला प्रहरी कार्यालय सुनसरीले जनाएको छ ।
