सामुदायिक रेडियोमैत्री कानून बनाउन सुझाव

२९ माघ २०७६, बुधबार ०५:३३ मा प्रकाशित
  • 9
  •  
  •  
  •  
  •  
  •  
  •  
    9
    Shares

सुर्खेत,

Advertisement

सञ्चार क्षेत्रका अगुवाहरुले स्थानीय र प्रदेश सरकारलाई सामुदायिक रेडियोमैत्री कानून बनाउन सुझाव दिएका छन् । नवौँ विश्व रेडियो दिवसका अवसरमा सामुदायिक रेडियो प्रसारक सङ्घ (अकोराब) कर्णाली प्रदेशद्वारा मङ्गलबार वीरेन्द्रनगरमा आयोजित अन्तरक्रियामा वक्ताहरुले नयाँ सञ्चार नीति सामुदायिक रेडियोको हितमा नभएकाले सच्याउनुपर्नेमा जोड दिए ।

नेपाल पत्रकार महासङ्घका केन्द्रीय सदस्य कलेन्द्र सेजुवालले समुदायको आवाज बोल्ने रेडियोले थुप्रै चुनौतीको सामना गर्दै अगाडि बढ्न सफल भएको बताउनुभयो । राजनीतिक र सामाजिक परिवर्तनमा महत्वपूर्ण योगदान पु¥याएका रेडियोको अस्तित्व सङ्कटमा पर्दै गएको उहाँले बताउनुभयो । विज्ञापन बजारको कमी, राजनीतिक हस्तक्षेप र सरकारी सहुलियत नपाउँदा सामुदायिक रेडियो आर्थिक हिसाबले धरासायी बन्न पुगेको उहाँको भनाइ थियो ।

अकोराबका प्रदेश सदस्य सूर्यप्रकाश कँडेलले स्थानीय र प्रदेश सरकारले समेत सामुदायिक रेडियोमैत्री नीति तथा कार्यक्रम ल्याउन नसकेको गुनासो गर्नुभयो । अकोराबका वरिष्ठ केन्द्रीय उपाध्यक्ष अर्जुन गिरीले सरकारले कानूनमार्फत समुदायको आवाज रोक्ने चेष्टा गरिरहेको आरोप लगाउनुभयो । “सामुदायिक रेडियोले सामाजिक चेतना अभिवृद्धिमा पु¥याएको योगदानलाई नजरअन्दाज गर्ने काम भएको छ, देशभरका सामुदायिक रेडियोको भविष्य सङ्कटमा छ”, वरिष्ठ उपाध्यक्ष गिरीले भन्नुभयो, “तर सरकार कानूनमा कडाइ गर्ने पक्षमा मात्र देखिन्छ ।”

आन्तरिक मामिला तथा कानूनमन्त्री नरेश भन्डारीले प्रदेश सरकार सञ्चारमैत्री रहेको भन्दै आशङ्का नगर्न आग्रह गर्नुभयो । उहाँले कर्णालीको समग्र सञ्चार क्षेत्रको विकासका लागि छिट्टै आमसञ्चार प्रतिष्ठान गठन गरिने जानकारी दिनुभयो । प्रदेश सञ्चार नीति समग्र सञ्चार जगत्कै मर्मअनुसार ल्याउने प्रतिबद्धता व्यक्त गर्नुभयो । वीरेन्द्रनगरका उपप्रमुख मोहनमाया ढकालले राजनीतिक परिवर्तनमा सञ्चारमाध्यममा खासगरी रेडियोको योगदानको प्रसंशा गर्नुभयो । स्थानीय सरकार सामुदायिक रेडियोसँगै सहकार्य गरेर अघि बढिरहेको उहाँले बताउनुभयो ।

अन्तरक्रियामा पे्रस सङ्गठन नेपालका प्रदेश संयोजक वीरबहादुर गिरी, नेपाल पे्रस युनियनका केन्द्रीय सदस्य खगेन्द्र भट्टराई, पत्रकार महासङ्घ कर्णाली प्रदेशका अध्यक्ष दुर्गा थापा, सुर्खेत शाखा अध्यक्ष गणेशकञ्चन भारतीलगायतले सामुदायिक रेडियोको भूमिकाका बारेमा टिप्पणी गर्नुभएको थियो । वक्ताहरुले प्रदेश र स्थानीय सरकारले सामुदायिक रेडियोमैत्री नीति ल्याउन नसकेकामा ध्यानाकर्षण गराएका थिए ।

अकोराबले सामुदायिक रेडियो र विविधता विषयक खुला बहस आयोजना गरेको थियो । बहसमा पूर्वपत्रकारसमेत रहनुभएका कर्णाली प्रदेश योजना आयोगका सदस्य डा दीपेन्द्र रोकाया, मध्यपश्चिमाञ्चल विश्वविद्यालय आमसञ्चार तथा पत्रकारिता विभागका संयोजक उपप्राध्यापक युवराज शर्मा, सञ्चारिका समूह कर्णाली प्रदेश संयोजक टीका विष्ट र जुम्लाका सामुदायिक रेडियोकर्मी गोरख थापा सहभागी हुनुहुन्थ्यो ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here