बिर्तामोड।
झापाको बिर्तामोड–२ निवासी सविता उप्रेतीलाई बाह्रदशी जेसीजले आर्थिक सहयोग गरेको छ ।
उप्रतीको मृगौलामा समस्या देखिएपछि उपचार भइरहेको र उपचार गराउन समेत खर्च अभाव भएसंगै बाह्रदशी जेसीजले आर्थिक सहयोग गरेको बताइएको छ । बाह्रदशी जेसीजका अध्यक्ष पुष्पलाल धमलाको अध्यक्षतामा आयोजित कार्यक्रमकाबीच रकम हस्तान्तरण गरिएको थियो ।
सो समारोहमा अध्यक्ष धमलासहित जेसीजका महासचिव टंक कार्की र कार्यकारिणी उपाध्यक्ष लक्ष्मीप्रसाद उप्रेती लगायतले सविताको स्वास्थ्यलाभको कामना गर्दै सहयोग रकम हस्तान्तरण गरेका थिए ।
परिवारका चार जनालाई नै मृगौलामा समस्या देखिएपछि उपचारमा समस्या भएको थाहा पाएसंगै बाह्रदशी जेसीजले ४५ हजार रुपैयाँ आर्थिक सहयोग गरेको कार्यकारिणी उपाध्यक्ष उप्रेतीले बताए । सविताका वुवा नारद उप्रेतीको मृगौलामा समस्या देखिएर यसअघि नै निधन भएको बताइएको छ ।
त्यस्तै सविता र उनकी दिदी तथा उनका दाजु हिमालको समेत मृगौलामा समस्या देखिएको बताइएको छ ।
