अब सबैको ‘फोन ट्यापिङ’

७ चैत्र २०७६, शुक्रबार ०५:३५ मा प्रकाशित
  • 17
  •  
  •  
  •  
  •  
  •  
  •  
    17
    Shares

काठमाडौं।

Advertisement

राष्ट्रियसभा, विधायन व्यवस्थापन समितिबाट बिहीबार ‘नेपाल विशेष सेवा गठन र सञ्चालन सम्बन्धी कानूनलाई संशोधन र एकीकरण गर्न बनेको विधेयक’ पारित भएको छ ।

समितिको बिहीबार बसेको बैठकले विधेयक संशोधनसहित पारित गरेको समिति सभापति परशुराम मेघी गुरुङले जानकारी दिए । उनका अनुसार समितिले पारित गरेको विशेष सेवा विधेयकमा विशेष सेवामा कार्यरत् कर्मचारीको उमेरहद ६० वर्ष बनाइएको छ । यसअघि, उमेरको हदबन्दी ५८ राखिएकोमा अब ६० वर्ष पु¥याइएको सभापति गुरुङले जानकारी दिए ।

उनले विशेष सेवा भन्नाले आफैंमा पनि विशेष तरिकाले सरकारका सूचना संकलन गर्ने र सूचना दुरुपयोग भयो भने त्यही खालको सजाय दिनुपर्ने भएकाले त्यस्ता सूचना चुहाउनेलाई कठोर सजायको व्यवस्था गरिएको बताए ।

राष्ट्रको स्वतन्त्रता, सार्वभौमसत्ता, भौगोलिक अखण्डता, राष्ट्रिय एकता, स्वाधीनता र स्वाभिमानमा खलल पर्ने किसिमको अति गोप्य सूचना कुनै प्रलोभनमा परी वा नपरी अनधिकृत व्यक्तिलाई थाह दिएमा वा त्यस्ता सूचनासँग सम्बन्धित अति गोप्य कागजातको बेचबिखन गरी गोप्यता भंग गरेमा जन्मकैदसम्मको व्यवस्था गरिएको सभापति गुरुङले जानकारी दिए । उनले कसुर हेरेर विधेयकमा सजायको व्यवस्था गरिएको बताए ।

यसैगरी, विधेयकमा ‘फोन ट्यापिङ’ राष्ट्रको सार्वभौमसत्ता, भौगोलिक अखण्डतादेखि खासखास कुरामा मात्र गर्न पाइने व्यवस्था विधेयकमा उल्लेख गरिएको छ । जो–कोहीले फोन ट्यापिङ गर्ने नभइ अनुसन्धान अधिकृतले मात्र गर्न पाइने व्यवस्था गरिएको सभापति गुरुङले बताए ।

‘त्यो फोन ट्यापिङ गर्न आधार र अभिलेखीकरण हुनुपर्नेछ । कुनै अदालतमा फोन ट्यापिङलाई प्रमाणका रूपमा प्रयोग गर्न नपाइने र फोन ट्यापिङको दुरुपयोग गरेको खण्डमा दण्ड–सजायको व्यवस्था गरिएको छ’– उनले भने ।

प्रतिकृया व्यक्त गर्नुहोस् ।

LEAVE A REPLY

Please enter your comment!
Please enter your name here