योगेन्द्र योगी
विराटनगर,
मोरङको विराटनगर महानगरपालिका-१३ स्थितबाट नक्लली नोट सहित १ जना भारतीय युवतीलाई प्रहरीले पक्राउ गरेको छ ।
पक्राउ पर्नेमा भारत बिहार अररियाका १९ बर्षीय सिम्पी बैसन्ति रहेको कोशी प्रदेश प्रहरी कार्यालय बिराटनगरले जनाएको छ।
विराटनगर-१३ स्थित एक किराना पसलमा सामान किन्ने क्रममा सिम्पी बैसन्तिले भारतीय ५ सय रुपैयाको नोट पसलेलाई दिएकोमा उक्त नोट नक्कली रहेको संका लागेपछि पसल धनीले प्रहरीलाई खवर गरेका थिए।
खबर पाउने बित्तकै इलाका प्रहरी कार्यालय रानीबाट खटिएको प्रहरी टोलीले चेकजाँचको क्रममा उनको साथबाट ५ सय दरको ७ वटा नक्कली भारतीय नोट र नेपाली रुपैयाँ ३ हजार १ सय सहित पक्राउ गरेको छ।
नक्कली नोट सहित पक्राउ युवतीको आवश्यक कानूनी कारवाही तथा थप अनुसन्धान भईरहेको प्रदेश प्रहरी कार्यालय बिराटनगरले जनाएको छ।
