कमल ।
कमल गाउँपालिका वडा नम्वर ६ मा उद्घोषण तथा माईन्युट लेखन तालिम शुरु भएको छ ।
वडा बाल सञ्जालको आयोजना , कमल ६ नम्बर वडा कायालयको आर्थिक सहयोग र कुईनेटो मिडिया प्रा.लि.को प्राविधिक सहयोगमा शुक्रवारबाट शुरु भएको तालिम तीन दिनसम्म सञ्चालन हुने छ ।
६ नम्वर वडामा रहेका बालबालिकालाई लक्षित गरेर सुरु गरिएको तालिममा ५० जना भन्दा बढी बालबालिका सहभागि रहेका छन् । तालिममा सहभागी लाई सहजकर्ता विष्णु प्रकाश निरौला र सोमराज ढकालले सहजीकरण गर्नु हुनेछ ।
वालबालिकाको पढाईका साथै क्षमता अभिवृद्धीकालागी गाउँपालिका लागिपरेको छ । यस्ता तालिमले वालवालिको क्षमता विकासमा ठुलो सहयोग पुग्ने छ । भोलिको दिनमा यो मुलुकको नेतृत्व गर्ने जिम्मा तपाईहरुको हो । त्यसैले आज देखी नै आफ्नो क्षमता विकासमा लाग्न कमल गाउँपालिकाका अध्यक्ष हुकुमसिंह राईले सहभागीलाई सुझाव दिनुभयो ।
उद्घोषण तथा माईन्युट लेखन अहिलेको आवश्यकता हो । त्यसैलाई मध्यनजर गर्दै वडाको तर्फ बाट यो तालिमको आयोजना गरेका र्हौ । तालिम अतिनै महत्व पुर्णछ ।सबै जना सक्रिय रपमा सहभागी भएर तालिममा सिकेका कुराराई भोलिका लिनमा व्यवहारमा लागुगर्न ६ नम्बर वडा अध्यक्ष नरेन्द्र भट्टराईले सहभागी बालबालिकालाई अनुरोध गर्नुभयो ।
कार्यक्रममा वडा सदस्य टंक खड्का र ओम पराजुलीले तथा कुईनेटो मिडिया प्रा.लि.का प्रवन्धक निर्देक उमानाथ भण्डारी तालिमको औचित्य माथि प्रकाश पार्दै तालिम सफलताको शुभकामना मन्तव्य राख्नु भएको थियो ।
वडा बाल सञ्जालका अध्यक्ष रचित आचार्यको अध्यक्षतामा भएको उद्घाटन सत्रको कार्यक्रम सचिव सुरज सेडाईले सञ्चालन गर्नु भएको थियो भने सदस्य अरुणा बस्नेतले स्वागत गर्नु भएको थियो ।
