मेष– पारिवारिक असमझदारीले काममा अप्ठ्यारो पर्न सक्छ । बेसुरमा काम गर्ने बानीले मेहनत खेर जानेछ ।
वृष– साझेदारीमा देखिने समस्याले पहिलेको सम्झौता भंग हुन सक्छ । अद्यावधिक ज्ञान अभावले पनि काममा पछि परिनेछ ।
मिथुन– अरूको व्यवहारले शंका उब्जाए पनि मान्यजनको सुझाव शिरोधार्य गर्दा फाइदा हुनेछ । दिगो योजनामा अघि बढ्दा साँझदेखि लाभ मिल्नेछ ।
क्र्कट– नयाँ काममा हात हाल्ने समय छ । सानो प्रयत्नले पनि ठूलो काम बन्न सक्छ । व्यावसायिक काममा मनग्गे लाभ हुनेछ ।
सिंह– प्रशस्त धन आर्जन गर्ने मौका छ । पराक्रम र उत्साह बढ्नेछ । उद्योग र व्यापारमा विशेष फाइदाको योग छ ।
कन्या– प्रतिस्पर्धी परास्त हुनाले कामको बाधा समाप्त हुनेछ । विश्वास गरेका व्यक्तिबाट भने धोका हुन सक्छ ।
तुला– बोलीको प्रभाव बढ्नुका साथै अभिव्यक्ति कलामा निखारता आउनेछ । चिताएको काम सम्पादन हुनेछ ।
वृश्चिक– पहिलेका कमजोरीलाई सुधार्ने मौका छ । मिहिनेतले सम्मानित स्थान दिलाउनेछ । मानसम्मान प्राप्त हुनेछ ।
धनु– सम्पादित कामबाट धन लाभ हुनेछ । आम्दानीका स्रोत बढ्नुका साथै दिगो फाइदा हुने काम गर्ने समय छ ।
मकर– काममा सहयोगीहरूले उत्साह जगाउनेछन् । मिहिनेतको परिणामले आत्मविश्वास बढाउनेछ । काममा उत्साह जगाउनेछ ।
कुम्भ– विशिष्ट व्यक्तिहरूसँग भेटघाट हुनेछ । आकर्षक उपहारका साथ विशेष अवसर प्राप्त हुन सक्छ । रमाइलो जमघटको आनन्द प्राप्त हुनेछ ।
मीन– पहिलेको सफलताले हौसला जगाउनेछ । नयाँ कामको प्रस्ताव आउनेछ । तर, अरूको भरपर्दा साँझतिर काम बिग्रन सक्छ ।