बिर्तामोड।
कञ्चनजंघा टोल विकास संस्था बिर्तामोडले पूर्व– पश्चिम राजमार्गसहित बिर्तामोड सरसफाई गरेको छ ।
आफ्नो टोल र नगर सफा राख्न सरसफाई गरेको संस्थाका सचिव देवराज कार्कीले जानकारी दिए । संस्थामा आवद्ध ३० भन्दा बढी पदाधिकारीले बिर्तामोडको विर्तासिटी अस्पतालको प्रवेशद्वारदेखि खाद्य गोदाम सम्मको भू–भाग र राजमार्ग सरसफाई गरेको बताइएको छ ।
पछिल्लो समय बिर्तामोडलाई सफा र हरियाली राख्न सरसफाई अभियान तीव्र पारिरहेको समयमा कञ्चनजंघा टोल विकास संस्थाले सरसफाई गरेको हो । सरसफाईका लागि संस्थाका अध्यक्ष यादव खड्काको नेतृत्वमा संस्थाका पदाधिकारीसहितको टोलीले नगर सरसफाई गरेको थियो ।
